"Diba Uso Ang Pag Tumingin Ka Akin Ka Pwede Bang Pag Akin Ka Wag Kana Titingin Sa Iba?"

Diba uso ang pag tumingin ka akin ka pwede bang pag akin ka wag kana titingin sa iba?

 

Tingin ba kamo? Uso iyan kahit kailan. Kaya ang tanong, puwede bang pag akin ka, wag ka na titingin sa iba? Alam mo bang sa Bibliya, mayroong nakakatulad na mga kaisipan. Basahin at matuto!

Mateo 5:37 Pero tiyakin ninyo na ang inyong 'Oo' ay oo at ang inyong 'Hindi' ay hindi, dahil ang pagiging di-tapat sa sinasabi ay katangian ng masama.

Paliwanag: Ang tingin ba niya ay katumbas ng pagsasabing "Oo, tayo na!"? Maraming nahuhulug sa bitag ng kabiguan dahil sa inaasahan niya ang mga kilos ngunit walang salita. Bagaman maaaring magpakiramdaman ang dalawa, mag-ingat kung wala namang salitang lumalabas.

Job 31: 1 "Nakipagtipan ako sa aking mga mata," ang sabi niya. "Kaya paano ako makapagbibigay-pansin sa isang dalaga?"

Paliwanag: Ang isang tunay na commited at tapat ay hindi na talaga titingin pa sa iba. Ang kanilang puso ay itinatali na nila sa isa na kanilang sinisinta kaya naman ang kanilang pagtingin sa iba ay iniingatan nilang hindi magiging mapang-akit.

Mateo 5:28 Pero sinasabi ko sa inyo na ang sinumang patuloy na tumitingin sa isang babae nang may pagnanasa ay nagkakasala na ng pangangalunya sa puso niya.

Paliwanag: Ang pagtingin sa iba ay nagbibigay na ng kahulugan kaya mag-ingat na magbigay ng kahulugan sa iyong pagtingin sa layuning mang-akit ngunit wala namang kaseryosohan. Flirting ang tawag dito.

Sa mga ito, talagang maiiwasan natin ang masaktan at makasakit.